ဇွဲကပင်ယူနိုက်တက်အမျိုးသမီးအသင်းသည် Myanmar Women’s League 2026-27 ဒုတိယအကျော့ ပွဲစဥ်များအတွက် ကစားသမားသစ်များ ထပ်မံရွေးချယ်သွားမည်ဖြစ်ကြောင်း သတင်းထုတ်ပြန်ခဲ့သည်။
ကစားသမားသစ်များ ရွေးချယ်ခြင်းအစီအစဉ်ကို လာမည့် သြဂုတ် ၂၇ ရက်မှ စက်တင်ဘာ ၁၅ ရက်အထိ ရန်ကုန်မြို့ရှိ၊ နဝဒေးဘောလုံးကွင်း၌ ပြုလုပ်သွားမည်ဖြစ်ပြီး စိတ်ပါဝင်စားသူများအနေဖြင့် အားကစားဝတ်စုံအပြည့်ဖြင့် လာရောက်စမ်းသပ် ရွေးချယ်ခံနိုင်မည်ဖြစ်သည်။
ဘောလုံးအားကစားအပေါ် စိတ်အားထက်သန်ပြီး ပရော်ဖက်ရှင်နယ်ကစားသမားဘဝကို အကောင်အထည်ဖော်လိုသူများ အနေဖြင့် ဇွဲကပင်ယူနိုက်တက်အမျိုးသမီးအသင်းနှင့်အတူ လာရောက် စမ်းသပ်ရွေးချယ်ခံနိုင်ကြောင်း ဖိတ်ခေါ်ထားခြင်းဖြစ်သည်။
ဇွဲကပင်ယူနိုက်တက်အသင်းသည် ပထမအကျော့ (၉) ပွဲ ကစားအပြီးတွင် နှစ်ပွဲနိုင်၊ ခုနှစ်ပွဲရှုံး ရလဒ်ဖြင့် အဆင့် (၈) နေရာတွင် ရပ်တည်လျက်ရှိသည်။
လူရွေးချယ်ပွဲအတွက် အချိန်၊နေ့ရက်နှင့် ဆက်သွယ်ရမည့် ဖုန်းနံပါတ်များ
📅 Date — 27 AUGUST – 15 SEPTEMBER,2026
⏰ Time — 3:00 PM
📍 Venue — [NAWADAY STADIUM ]
☎ 09- 450007372/09-421113170/09-799477294
